ELIZABETHA, Dei ter maxhni et vnici coeli terræque conditoris gratia,
Angliæ, Franciæ, et Hiberniæ Regina, fidei Christianæ contra omnes omnium
inter Christianos degentium, Christíque nomen falsò profitentium
idololatrias, inuistissima et potentissima defensatrix: augustissimo,
inuictissimôque principi, Zultan Murad Can, Musulmanici regni dominatori
potentissimo, imperijque Orientis Monarchæ, supra omnes soli et supremo
salutem, et multos cum summa rerum optimarum affluentia foelices et
fortunatos annos.

Augustissime et potentissime Imperator, biennio iam peracto, ad Cæsaream
vestram Maiestatem scripsimus, vt dilectus noster famulus Guilielmus
Harebornus, vir ornatissimus pro legato nostro Constantinopoli, alijsque
Musulmanici imperij ditionibus, sublimi vestra authoritate reciperetur:
simul etiam Angli subditi nostri commercium et mercaturam, in omnibus illis
prouincijs exerceant, non minùs liberè quàm Galli, Poloni, Veneti, Germani,
cæteríque vestri confoederati, qui varias Orientis partes peragrant, operam
nauantes, vt mutuis commercijs coniungatur Oriens, cum Occidente.

Quæ priuilegia, cum nostris subditis Anglis inuictissima vestra Maiestas
literis et diplomate suo liberalissimè indulserit, facere non potuimus,
quin quas maximas animus noster capere potest gratias, eo nomine ageremus:
sperantes fore, vt hæc instituta commerciorum ratio maximas vtilitates, et
commoda vtrinque, tam in imperij vestri ditiones, quàm regni nostri
prouincias secum adferat.

Id vt planè fiat, cûm nuper subditi nostri nonnulli Tripoli in Barbaria et
Argellæ ab eius loci incolis voluntatem vestram fortè nescientibus malè
habiti fuerint, et immaniter diuexati, Cæsaream vestram Maiestatem beneuolè
rogamus, vt per Legatum nostrum eorum causam cognoscas, et postremò earum
prouinciarum proregibus ac præfectis imperes, vt nostri liberè in illis