the Hamiltons), come to Striveling, the number of iii or iiii c men,
in hors bak, guydit be ane George Bell, their hacbutteris being all
horsed, enterit in Striveling, be fyve houris in the morning (whair
thair was never one to mak watche), crying this slogane, 'God and
the quene! ane Hamiltoun think on the bishop of St. Androis, all
is owres;' and so a certaine come to everie grit manis ludgene, and
apprehendit the Lordis Mortoun and Glencarne; but Mortounis hous they
set on fyre, wha randerit him to the laird of Balcleuch. Wormestoun
being appointed to the regentes hous, desyred him to cum furth, which
he had no will to doe, yet, be perswasione of Garleys and otheris,
with him, tho't it best to come in will, nor to byde the extremitie,
becaus they supposed there was no resistance, and swa the regent come
furth, and was randered to Wormestoun, under promeis to save his lyfe.
Captane Crawfurde, being in the town, gat sum men out of the castell,
and uther gentlemen being in the town, come as they my't best to the
geat, chased them out of the town. The regent was schot be ane Captain
Cader, wha confessed, that he did it at comande of George Bell, wha
was comandit so to doe be the Lord Huntlie and Claud Hamilton. Some
sayis, that Wormestoun was schot by the same schot that slew the
regent, but alwayis he was slane, notwithstanding the regent cryed to
save him, but it culd not be, the furie was so grit of the presewaris,
who, following so fast, the lord of Mortone said to Balcleuch, 'I sall
save you as ye savit me,' and so he was tane. Garleys, and sindrie
otheris, war slane at the port, in the persute of thame. Thair war ten
or twelve gentlemen slane of the kingis folk, and als mony of theiris,
or mea, as was said, and a dosone or xvi tane. Twa especiall servantis
of the Lord Argyle's were slane also. This Cader, that schot the
regent, was once turned bak off the toune, and was send again (as is
said), be the Lord Huntlie, to cause Wormistoun retire; but, before he
come agane, he was dispatched, and had gottin deidis woundis.