Dansimond zede and gadred frut,
For sothe were plommes white,
The steles[B] he puld out everichon,
Puisoun he dede therin anon,
And sett the steles al ogen,
That the gile schuld nought be sen.
He dede hem in a coupe of gold,
And went to the kinges bord;
On knes he him sett,
The king full fair he grett;
"Sir," he said, "by Seynt Austin,
This is front of our garden,
And gif that your wil be,
Assayet herof after me."
Dansimoud ete frut, on and on,
And al tho other ete King Jon;
The monke aros, and went his way,
God gif his soule wel gode day;
He gaf King Jon ther his puisoun,
Himself had that ilk doun,
He dede, it is nouther for mirthe ne ond,
Bot for to save al Iuglond.

The King Jon sate at mete,
His wombe to wex grete;
He swore his oth, _per la croyde_,
His wombe wald brest a thre;
He wald have risen fram the bord,
Ac he spake never more word;