gaates, that who so euer wyll entre, must fyrst putin
hys legge, nat withowt some ioperdie, and than bowe
downe hys hedde. _Me._ It is ioperdie to goo thorow
suche a dore, to a mannes enemye. _Ogy._ So it is, the
sexten dyd tell me that || B iij.|| ther was ones a
knyght whiche fleeynge hys enemye, than aprochynge, dyd
ride thorow ye wykyte, and than the wretche dispayrynge
in hym selffe, apon a soden motion, dyd commend
hymselffe to ye blessyd virgyne, whiche was than at
hand. But now commythe the myrakle. By and by that
knyght was all in the churche yarde, and hys aduersary
was ragynge at the dore wowte. _Me._ And dyd he tell
you so maruylous a myrakle for a trewthe? _Ogy._ No
dowte. _Me._ But I suppose that he could nat so
lyghtely doo that to you so a great a philosopher.
_Ogy._ He dyd shewe to me in that same wykytte in a
plate of coper, the ymage of the knyght fastenyd with
nayles and with the same garmentes that the Englishmen
were wontyd to wayre at that tyme, as you may see in
that olde pictures, whiche wyl nat lye, Barbours had ||
but lytle lyuynge at that tyme: and dieres & websteres
gotte but litle monay. _Me._ Why so? _Ogy._ For he had
a berd like a goote, and his cote had neuer a plyte,
& it was so litle, that with strayte gyrdynge it mayd
hys body to apere lesse than it was. Ther was another
plate, that was in quantyte and fourme like to a
cheste. _Me._ Well now it is nat to be doubtyd apõ.
_Ogy._ Under ye wykyte ther was a grate of yrne, that
no man cã passe theryn but a footemã, for it is nat
conuenyent that any horsse shuld tread after apon ye