or more, and it puttiþ fro hi{m} gladnesse, & bryngiþ yn heuynes 12
more þan oþ{er}e feueris do / If ȝe wole heele þis sijknes in schort

[[* ? our]]

tyme, lete þe pacient vse to drynke oon[*] 5 e{ss}enc{e}, and he schal
be al hool hastily / forwhi; it consumeþ þe corrupt sup{er}flue
humouris, & reducit nature to eq{ua}lite, and bryngiþ yn gladnesse, 16
& chasiþ a-wey heuynes & malencolie. and if it so be
þ{a}t ȝe haue nouȝt oure 5 e{ss}enc{e} / þanne take j ℔ of þe beste
bre{n}nynge watir, and þ{er}i{n}ne putte medullam ebuli, and namely
þe white, if ȝe may may haue it / of þis watir ȝeue to þe pacient, 20
morowe and eue{n}, a walnot-schelle ful at oonys. and he schal

[Or, take whatever purges black choler, put it into Burning
Water; make small pellets of it, and take one, and then two,
gradually.]

be al hool / or ellis þus: take what þi{n}g ȝe wole þ{a}t purgiþ
malencolye, and putte a litil þ{er}of into brennynge watir, &
vse þ{a}t laxatif maad into smale pelotis, wijsly resceyuy{n}g riȝt a 24
litil at oonys, as oon litil pelot, and p{re}ue þerby how it worchiþ,
þa{n}ne anoþ{er} tyme .ij. at oonys, if it be nede / so þat þe mater
be a litil digestid and a litil egestid. for bettere it is to worche
a litil & a litil at oonys, þan sodeynly greue þe nature. forwhi, 28

[[* Fol. 23.]]

two litil pelotis laxatif meyngid wiþ bre{n}ny{n}ge watir [*]wole
worche more myȝtily þan .8. pelotis wole do bi hem silf /