transliterated from the Greek "alpha" and "Beta", respectively.]

[5. Transcriber's note: The phrase "theos apo mechanes" was
transliterated from the Greek as follows: "theos"--theta, epsilon,
omicron, sigma; "apo"--alpha, pi, omicron; "mechanes"--mu, eta, chi,
alpha, nu, eta, sigma.]




QUADRIVIAD, ll. 1-51

Arma virosque cano: procul o, procul este profani:
nescio mentiri: si quis mendacia quaerit
in vespertinis quaerat mendacia chartis.
me neque multo iterum Pharsalia sanguine tincta
nec tam Larissa nuper fugitiva relicta
Graecia percussit, quam Curia Municipalis
Principis augusta dextra Cambrensis aperta,
atque novae longis imbutae litibus aedes:
omnia quae vobis canerem si tempus haberem
aut spatium: sed non habeo, varias ob causas.
nunc civilia bella viaeque cruore rubentes
Musae sufficient et Quadrivialis Enyo.
Nox erat et caeio fulgebat luna sereno
desuper: in terris fulgebat Serica lampas
plurima, et ornatis pendent vexilla fenestris.
spectando gaudent cives: academica pubes
palatur passim plateis aut ordine facto
proruit ignavum cives pecus: omnia late