THE HEID HORSEMAN


O Alec, up at Soutar's fairm,
You, that's sae licht o' he'rt,
I ken ye passin' by the tune
Ye whustle i' the cairt;

I hear the rowin' o' the wheels,
The clink o' haims an' chain,
And set abune yer stampin' team
I see ye sit yer lane.

Ilk morn, agin' the kindlin' sky
Yer liftit heid is black,
Ilk nicht I watch ye hameward ride
Wi' the sunset at yer back.

For wark's yer meat and wark's yer play,
Heid horseman tho' ye be,
Ye've ne'er a glance for wife nor maid,
Ye tak nae tent o' me.

An' man, ye'll no suspec' the truth,
Tho' weel I ken it's true,
There's mony ane that trails in silk