A man's a man for a' that.
For a' that, an' a' that,
Their tinsel show, an' a' that;
The honest man, tho' e'er sae poor,
Is king o' men for a' that.

Ye see yon birkie, ca'd a lord, [fellow]
Wha struts, and stares, an' a' that;
Tho' hundreds worship at his word,
He's but a coof for a' that: [dolt]
For a' that, an' a' that,
His riband, star, and a' that,
The man of independent mind,
He looks and laughs at a' that.

A prince can mak a belted knight,
A marquis, duke, an' a' that;
But an honest man's aboon his might, [above]
Guid faith, he mauna fa' that! [must not claim]
For a' that, an' a' that,
Their dignities, an' a' that,
The pith o' sense an' pride o' worth
Are higher rank than a' that.

But let us pray that come it may,
As come it will for a' that;
That sense and worth, o'er a' the earth,
May bear the gree, an' a' that. [first place]
For a' that, an' a' that,
It's coming yet for a' that,