But miss'd a fit, an' in the pool [foot]
Out-owre the lugs she plumpit,
Wi' a plunge that night.

In order, on the clean hearth-stane,
The luggies[18] three are ranged;
And every time great care is ta'en,
To see them duly changed:
Auld uncle John, wha wedlock's joys
Sin' Mar's year did desire, [1715 Rebellion]
Because he gat the toom dish thrice, [empty]
He heav'd them on the fire
In wrath that night.

Wi' merry sangs, an' friendly cracks,
I wat they did na weary; [wot]
And unco tales, an' funny jokes,-- [strange]
Their sports were cheap and cheery;
Till butter'd sow'ns,[19] wi' fragrant lunt, [smoke]
Set a' their gabs a-steerin'; [tongues wagging]
Syne, wi' a social glass o' strunt, [Then, liquor]
They parted aff careerin'
Fu' blythe that night.


FOOT-NOTES TO HALLOWEEN

[The foot-notes to this poem are those supplied by Burns himself in
the Kilmarnock edition.]