Poor Merry Andrew in the neuk [corner]
Sat guzzling wi' a tinkler hizzie; [tinker wench]
They mind't na wha the chorus teuk, [took]
Between themselves they were sae busy,
At length, wi' drink and courting dizzy,
He stoitered up an' made a face; [staggered]
Then turn'd, an' laid a smack on Grizzy,
Syne tun'd his pipes wi' grave grimace. [Then]

Air

TUNE: Auld Sir Symon

Sir Wisdom's a fool when he's fou, [drunk]
Sir Knave is a fool in a session; [court]
He's there but a 'prentice I trow,
But I am a fool by profession.

My grannie she bought me a beuk, [book]
And I held awa to the school; [went off]
I fear I my talent misteuk,
But what will ye hae of a fool? [have]

For drink I would venture my neck;
A hizzie's the half o' my craft; [wench]
But what could ye other expect,
Of ane that's avowedly daft? [crazy]

I ance was tied up like a stirk, [bullock]