If ought of thee, or of thy mammy,
Shall ever daunton me, or awe me,
My sweet wee lady,
Or if I blush when thou shalt ca' me
Tit-ta or daddy.

What tho' they ca' me fornicator,
An' tease my name in kintra clatter: [country gossip]
The mair they talk I'm kent the better, [more]
E'en let them clash; [tattle]
An auld wife's tongue's a feckless matter [feeble]
To gie ane fash. [give one annoyance]

Welcome, my bonnie, sweet wee dochter--
Tho' ye come here a wee unsought for,
An' tho' your comin' I hae fought for
Baith kirk an' queir; [choir]
Yet, by my faith, ye're no unwrought for!
That I shall swear!

Sweet fruit o' mony a merry dint,
My funny toil is no a' tint, [not all lost]
Tho' thou came to the warl' asklent, [askew]
Which fools may scoff at;
In my last plack thy part's be in't-- [a small coin]
The better half o't.

Tho' I should be the waur bested, [worse off]
Thou's be as braw an' bienly clad, [finely, comfortably]
An' thy young years as nicely bred