IX.

For France, nor yet her Flanders' frien',
Need na think that she 'll come to them;
They 've casten aff wi' a' their kin,
And grace and guid have flown frae them;
They 're wooing at her, fain wad hae her,
Courting her, but canna get her;
Bonny Lizzy Liberty, wow, sae mony 's wooing at her.


X.

A stately chiel they ca' John Bull
Is unco thrang and glaikit wi' her;
And gin he cud get a' his wull,
There 's nane can say what he wad gi'e her:
Johnny Bull is wooing at her,
Courting her, but canna get her;
Filthy Ted, she 'll never wed, as lang 's sae mony 's wooing at her.


XI.

Even Irish Teague, ayont Belfast,
Wadna care to speir about her;
And swears, till he sall breathe his last,
He 'll never happy be without her: