tongue, and omitted the stanza.]


Ye Irish lords, ye knights an' squires,
Wha represent our brughs an' shires,
An' doucely manage our affairs
In Parliament,
To you a simple Bardie's prayers
Are humbly sent.

Alas! my roupet Muse is hearse!
Your honours' hearts wi' grief 'twad pierce,
To see her sittin' on her a--e
Low i' the dust,
An' scriechin' out prosaic verse,
An' like to brust!

Tell them wha hae the chief direction,
Scotland an' me's in great affliction,
E'er sin' they laid that curst restriction
On aqua-vitæ;
An' rouse them up to strong conviction,
An' move their pity.

Stand forth, an' tell yon Premier youth,
The honest, open, naked truth:
Tell him o' mine an' Scotland's drouth,
His servants humble:
The muckie devil blaw ye south,
If ye dissemble!