Sage counsel or caution to gie;
An' prudence has whisper'd me never
To gang to the brakens wi' thee."

"Dear lassie, how can ye upbraid me,
An' try your ain love to beguile?
For ye are the richest young lady
That ever gaid o'er the kirk-stile.
Your smile that is blither than ony,
The bend o' your cheerfu' e'ebree,
An' the sweet blinks o' love there sae bonny,
Are five hunder thousand to me!"

She turn'd her around an' said, smiling,
While the tear in her blue e'e shone clear,
"You 're welcome, kind sir, to your mailing,
For, O, you have valued it dear:
Gae make out the lease, do not linger,
Let the parson indorse the decree;
An' then, for a wave of your finger,
I 'll gang to the brakens wi' thee!"

There 's joy in the bright blooming feature,
When love lurks in every young line;
There 's joy in the beauties of nature,
There 's joy in the dance and the wine:
But there 's a delight will ne'er perish,
'Mang pleasures all fleeting and vain,
And that is to love and to cherish
The fond little heart that's our ain!