'Please, mem,' she said, 'Miss Letty and Miss Lizzy's seein' efter
the bonny leddy; and sae I maun come to you.'

'Is she a' that bonny, Meg?' asked her mistress.

'Na, na, she's nae sae fearsome bonny; but Miss Letty's unco ta'en
wi' her, ye ken. An' we a' say as Miss Letty says i' this hoose.
But that's no the pint. Mr. Lumley's here, seekin' a gill: is he
to hae't?'

'Has he had eneuch already, do ye think, Meg?'

'I dinna ken aboot eneuch, mem; that's ill to mizzer; but I dinna
think he's had ower muckle.'

'Weel, lat him tak' it. But dinna lat him sit doon.'

'Verra weel, mem,' said Meg, and departed.

'What gars Mr. Lumley say 'at my gran'father was the blin' piper o'
Portcloddie? Can ye tell me, Miss Naper?' asked Robert.

'Whan said he that, Robert?'

'Jist as I cam in.'

Miss Napier rang the bell. Another maid appeared.

'Sen' Meg here direckly.'