'Naebody partic'lar, my lord.'

'I thought ye never let anybody in that wasn't particularly
particular. No foot-passengers--eh?'

'Hoot, my lord! that's twa year ago. Gin I had jaloosed him to be a
fren' o' yer lordship's, forby bein' a lord himsel', ye ken as weel
's I du that I wadna hae sent him ower the gait to Luckie Happit's,
whaur he wadna even be ower sure o' gettin' clean sheets. But gin
lords an' lords' sons will walk afit like ither fowk, wha's to ken
them frae ither fowk?'

'Well, Miss Naper, he was no lord at all. He was nothing but a
factor-body doon frae Glenbucket.'

'There was sma' hairm dune than, my lord. I'm glaid to hear 't.
But what'll yer lordship hae to yer supper?'

'I would like a dish o' your chits and nears (sweetbreads and
kidneys).'

'Noo, think o' that!' returned the landlady, laughing. 'You great
fowk wad hae the verra coorse o' natur' turned upside doon to shuit
yersels. Wha ever heard o' caure (calves) at this time o' the
year?'

'Well, anything you like. Who was it came by the mail, did you
say?'

'I said naebody partic'lar, my lord.'