"Quanta subtilitate ipsa corda hominum reserat, intimos mentis
recessus explorat, varios animi motus perscrutatur.
Quod ad tragoediam antiquiorem attinet, interpretatus est,
uti nostis omnes, non modo Aeschylum quo nemo sublimior,
sed etiam Euripidem quo nemo humanior; quo fit ut etiam illos
qui Graece nesciunt, misericordia tangat Alcestis,
terrore tangat Hercules. Recentiora argumenta tragica cum lyrico
quodam scribendi genere coniunxit, duas Musas et Melpomenen
et Euterpen simul veneratus. Musicae miracula quis dignius cecinit?
Pictoris Florentini sine fraude vitam quasi inter crepuscula
vesperascentem coloribus quam vividis depinxit. Vesperi quotiens,
dum foco adsidemus, hoc iubente resurgit Italia. Vesperi nuper,
dum huius idyllia forte meditabar, Cami inter arundines mihi videbar
vocem magnam audire clamantis, Pa\n o` me/gas ou' te/qnhken.
Vivit adhuc Pan ipse, cum Marathonis memoria et Pheidippidis
velocitate immortali consociatus." -- Eulogium pronounced by
Mr. J. E. Sandys, Public Orator at the University of Cambridge,
on presenting Mr. Browning for the honorary degree of Doctor of Laws,
June 10, 1879.






PREFACE.