praying. He was combing his hair wi' his fingers on the sly."

"You ken fine, Sneck," said Cruickshanks, "that you said, 'Thou
art the man' to ilka ane o' them, and just voted for Mr. Dishart
because he preached hinmost."

"I didna say it to--Mr. Urquhart, the ane that preached second,"
Sneck said. "That was the lad that gaed through ither."

"Ay," said Susy Tibbits, nicknamed by Haggart "the Timidest Woman"
because she once said she was too young to marry, "but I was fell
sorry for him, just being over anxious. He began bonny, flinging
himself, like ane Inspired, at the pulpit door, but after Hendry
Munn pointed at it and cried out, 'Be cautious, the sneck's
loose,' he a' gaed to bits. What a coolness Hendry has, though I
suppose it was his duty, him being kirk-officer."

"We didna want a man," Lang Tammas said, "that could be put out by
sic a sma' thing as that. Mr. Urquhart was in sic a ravel after it
that when he gies out the first line o' the hunder and nineteenth
psalm for singing, says he, 'And so on to the end.' Ay, that
finished his chance."

"The noblest o' them to look at," said Tibbie Birse, "was that ane
frae Aberdeen, him that had sic a saft side to Jacob."

"Ay," said Snecky, "and I speired at Dr. McQueen if I should vote
for him. 'Looks like a genius, does he?' says the Doctor. 'Weel,
then,' says he, 'dinna vote for him, for my experience is that
there's no folk sic idiots as them that looks like geniuses.'"