Hark thee, man--I owe thee a day in harst--I'll pay up your thousan pund
Scots, plack and bawbee, gin ye'll be an honest fallow for anes, and just
daiker up the gate wi' this Sassenach."

"Hout awa' wi' your gentility," replied the Bailie; "carry your gentle
bluid to the Cross, and see what ye'll buy wi't. But, if I _were_ to
come, wad ye really and soothfastly pay me the siller?"

"I swear to ye," said the Highlander, "upon the halidome of him that
sleeps beneath the grey stane at Inch-Cailleach."*

* Inch-Cailleach is an island in Lochlomond, where the clan of MacGregor
were wont to be interred, and where their sepulchres may still be seen.
It formerly contained a nunnery: hence the name of Inch-Cailleach, or the
island of Old Women.

"Say nae mair, Robin--say nae mair--We'll see what may be dune. But ye
maunna expect me to gang ower the Highland line--I'll gae beyond the line
at no rate. Ye maun meet me about Bucklivie or the Clachan of
Aberfoil,--and dinna forget the needful."

"Nae fear--nae fear," said Campbell; "I'll be as true as the steel blade
that never failed its master. But I must be budging, cousin, for the air
o' Glasgow tolbooth is no that ower salutary to a Highlander's
constitution."

"Troth," replied the merchant, "and if my duty were to be dune, ye
couldna change your atmosphere, as the minister ca's it, this ae wee
while.--Ochon, that I sud ever be concerned in aiding and abetting an