offered a crown a week for ane."

"You should hae said instanter we'd be thankfu'. My certie! A crown a
week, that's a fair godsend, Davie."

"The widow has the first right to the godsend; if she canna tak' it,
she'll send it our way, Maggie."

"Davie, there is L50 in Largo Bank."

"I ken that."

"You'll tak' it. It will gie you a' the start you need at Aberdeen.
Fayther said L30 a year wad do, wi' a carefu' hand to guide it. You'll be
Helping yoursel' wi' a bit teaching afore it is a' gane."

"I'll no touch it. What are you talking aboot? Oor fayther saved it for
his auld age and his burying."

"And he'll ne'er be auld now, Davie! and God has found him a grave that
only He kens o'! I can spin, and weave, and sew, and the lasses roun'
aboot have keepit my needle aye busy. Why not? I served my time in Largo,
and I can cut a skirt or josey, and mak' a kirk gown, better than any one
nearer."

"You'll be wanting to marry ere lang, Maggie. Angus Raith thinks much o'
you; and L50 wad buy his share in Cupar's boat. I sall hae the cottage,
and the L50 is to be for your wedding and plenishing."

"This is na a time to talk o' wedding, Davie; and there is na any promise