verbs. Casar could na keep him going; he wes into Virgil afore he
wes eleven, and the Latin prose, man, as sure as a'm living, it
tasted o' Cicero frae the beginning."

Whinnie wagged his head in amazement.

"It was the verra nicht o' the Latin prose I cam up to speak aboot
the college, and ye thocht Geordie hed been playing truant."

Whinnie laughed uproariously, but Domsie heeded not.

"It was awfu' work the next twa years, but the Doctor stood in weel
wi' the Greek. Ye mind hoo Geordie tramped ower the muir to the
manse thro' the weet an' the snaw, and there wes aye dry stockings
for him in the kitchen afore he had his Greek in the Doctor's
study."

"And a warm drink tae," put in Marget, "and that's the window I pit the
licht in to guide him hame in the dark winter nichts, and mony a time
when the sleet played swish on the glass I wes near wishin'--" Domsie
waved his hand.

"But that's dune wi' noo, and he was worth a' the toil and trouble.
First in the Humanity and first in the Greek, sweepit the field,
Lord preserve us. A' can hardly believe it. Eh, I was feared o' thae
High School lads. They had terrible advantages. Maisters frae
England, and tutors, and whatna', but Drumtochty carried aff the
croon. It'll be fine reading in the papers--

_Humanity_.--First Prize (and Medal), George Howe, Drumtochty,