"What's the matter, auntie? Will ye no tell me?"

"Dinna be angry wi' me, John, but a'm concerned aboot Sabbath, for
a've been praying ever syne ye were called to Drumtochty that it
micht be a great day, and that I micht see ye comin' tae yir people,
laddie, wi' the beauty o' the Lord upon ye, according tae the auld
prophecy: 'How beautiful upon the mountains are the feet of him that
bringeth good tidings, that publisheth peace,'" and again she
stopped.

"Go on, auntie, go on," he whispered; "say all that's in yir mind."

"It's no for me tae advise ye, who am only a simple auld woman, who
ken's naethin' but her Bible and the Catechism, and it's no that a'm
feared for the new views, or aboot yir faith, for I aye mind that
there's mony things the Speerit hes still tae teach us, and I ken
weel the man that follows Christ will never lose his way in ony
thicket. But it's the fouk, John, a'm anxious aboot, the flock o'
sheep the Lord hes given ye tae feed for Him."

She could not see his face, but she felt him gently press her hand,
and took courage.

"Ye maun mind, laddie, that they're no clever and learned like what
ye are, but juist plain country fouk, ilka ane wi' his ain
temptation, an' a' sair trachled wi' mony cares o' this world. They
'ill need a clear word tae comfort their herts and show them the way
everlasting. Ye 'ill say what's richt, nae doot o' that, and a'body
'ill be pleased wi' ye, but, oh, laddie, be sure ye say a gude word
for Jesus Christ."