persuadet, uti Jugurtham maxime[264] vivum, sin id parum procedat,
necatum sibi traderent; ceterum palam, quae ex voluntate forent,[265]
regi nuntiari jubet. Deinde ipse paucis diebus intento atque infesto
exercitu in Numidiam procedit, ubi contra belli faciem tuguria plena
hominum, pecora cultoresque in agris erant; ex oppidis et mapalibus
praefecti regis obvii procedebant, parati frumentum dare, commeatum
portare, postremo omnia, quae imperarentur, facere. Neque Metellus
idcirco minus, sed pariter ac si hostes adessent, munito agmine incedere,
late explorare omnia, illa deditionis signa ostentui credere et insidiis
locum temptari. Itaque ipse cum expeditis cohortibus, item funditorum et
sagittariorum delecta manu apud primos erat, in postremo G. Marius
legatus cum equitibus curabat, in utrumque latus auxiliarios equites
tribunis legionum et praefectis cohortium dispertiverat, ut cum his
permixti velites, quocunque accederent equitatus[266] hostium,
propulsarent. Nam in Jugurtha tantus dolus tantaque peritia locorum et
militiae erat, ut absens an praesens, pacem an bellum gerens perniciosior
esset, in incerto haberetur.

[262] _Supplicia_ here, as elsewhere, are _supplices preces_, 'humble
prayers,' or 'petitions.' Compare chap. 66.
[263] 'He applies to the ambassadors one by one;' that is, he tries them
one by one, _temptat singulos_.
[264] _Maxime_, the same as _potissimum_. Compare chap. 35.
[265] 'What would be in accordance with his wish;' namely, the granting
of his request.
[266] The plural _equitatus_ is rare; here it refers to different troops
of cavalry, as in Caesar, _Bell. Civ._ i. 61. To _propulsarent_
supply _eos_. See Zumpt, S 766.

47. Erat haud longe ab eo itinere, quo Metellus pergebat, oppidum