"Your head will na be touched, Etin,
Nor sall you hang on tree;
Your lady's in her father's court,
And all he wants is thee."

When he cam' in before the Earl,
He louted on his knee:
"Win up, win up now, Hynd Etin;
This day ye'se dine wi' me."

As they were at their dinner set,
The boy he asked a boon:
"I wold we were in haly kirk,
To get our christendoun.

"For we hae lived in gude greenwood
These twelve lang years and ane;
But a' this time since e'er I mind
Was never a kirk within."

"Your asking's na sae great, my boy,
But granted it sall be:
This day to haly kirk sall ye gang,
And your mither sall gang you wi'."

When she cam' to the haly kirk,
She at the door did stan';
She was sae sunken doun wi' shame,
She couldna come farther ben.