They shaped him in her arms at last
A mother-naked man,
She cuist her mantle over him,
And sae her true love wan.

Up then spake the Queen o' Fairies,
Out of a bush o' broom:
"She that has borrowed young Tamlane,
Has gotten a stately groom!"

Up then spake the Queen o' Fairies,
Out of a bush of rye:
"She's ta'en away the bonniest knight
In a' my companie!

"But had I kenned, Tamlane," she says,
"A lady wad borrow thee,
I wad hae ta'en out thy twa gray e'en,
Put in twa e'en o' tree!

"Had I but kenned, Tamlane," she says,
"Before ye came frae hame,
I wad hae ta'en out your heart of flesh,
Put in a heart o' stane!

"Had I but had the wit yestreen
That I hae coft this day,
I'd hae paid my teind seven times to hell,
Ere you'd been won away!"