RAPE [1]. XX.IIII. III.

Take half fyges and half raisouns pike hem and waisshe

hem in water skalde hem in wyne. bray hem in a morter, and drawe hem
thurgh a straynour. cast hem in a pot and þerwiþ powdour of peper and
ooþer good powdours. alay it up with flour of Rys. and colour it with
saundres. salt it. & messe it forth.

[1] Rape. A dissyllable, as appears from _Rapey_ in the Contents.
_Rapy_, Ms. Ed. No. 49. _Rapee_, ibid. II. 28.


SAWSE SARZYNE [1]. XX.IIII. IIII.

Take heppes and make hem clene. take Almaundes blaunched, frye hem in
oile and bray hem in a morter with heppes. drawe it up with rede wyne,
and do þerin sugur ynowhz with Powdour sort, lat it be stondyng, and
alay it with flour of Rys. and colour it with alkenet and messe it
forth. and florish it with Pomme garnet. If þou wilt in flesshe day.
seeþ Capouns and take the brawnn and tese hem smal and do þerto. and
make the lico [2] of þis broth.

[1] Sawse Sarzyne. _Sause_. Contents. _Saracen_, we prefume, from the
nation or people. There is a Recipe in Ms. Ed. No. 54 for a Bruet of
_Sarcynesse_, but there are no pomgranates concerned.
[2] lico. liquor.