Betwixt the dresser and the wall she crap.[18]

Syne up in haste behind the panelling,
So high she clamb, that Gilbert might not get her,
And by the cluiks[19] craftily can hing,
Till he was gone, her cheer was all the better:
Syne down she lap, when there was none to let her;
Then on the burgess mouse loud could she cry,
'Farewell, sister, here I thy feast defy.

Thy mangery is minget[20] all with care,
Thy guise is good, thy gane-full[21] sour as gall;
The fashion of thy feris is but fair,
So shall thou find hereafterward may fall.
I thank yon curtain, and yon parpane[22] wall,
Of my defence now from yon cruel beast;
Almighty God, keep me from such a feast!

Were I into the place that I came frae,
For weal nor woe I should ne'er come again.'
With that she took her leave, and forth can gae,
Till through the corn, till through the plain.
When she was forth and free she was right fain,
And merrily linkit unto the muir,
I cannot tell how afterward she fure.[23]

But I heard syne she passed to her den,
As warm as wool, suppose it was not grit,
Full beinly[24] stuffed was both butt and ben,
With peas and nuts, and beans, and rye and wheat;