OF THE ENGLISH NATION IN ASIA.


The life and trauailes of Pelagius borne in Wales.

Pelagius Cambrius ex ea Britanniae parte oriundus, famati illius Collegij
Bannochorensis a Cestria non procul, praepositus, erat, in quo Christianorum
philosophorum duo millia ac centum, ad plebis in Christo commoditatem
militabant, manuum suarum laboribus, iuxta Pauli doctrinam victitantes.
Post quam plures exhibitos, pro Christiana Repub. labores, vir eruditione
insignis, et tum Graece, tum Latine peritus, vt Tertullianus alter,
quorundam Clericorum lacessitus iniurijs, grauatim tulit, ac tandem a fide
defecit.

Peragratis igitur deinceps Gallijs, in Aegyptum, et Syriam aliasque
orientis Regiones demum peruenit. Vbi ex earum partium Monacho praesul
ordinatus, sui nominis haeresim fabricabat: asserens hominem sine peccato
nasci, ac solo voluntatis imperio sine gratia saluari posse, vt ita
nefarius baptismum ac fidem tolleret. Cum his et consimilibus impostricis
doctrinae faecibus in patriam suam reuersus, omnem illam Regionem, Iuliano et
Caelestino Pseudoepiscopis fautoribus, conspurcabat. Verum ante lapsum suum
studia tractabat honestissima, vt post Gennadium, Bedam, et Honorium alij
ferunt authores, composuitque multos libros ad Christianam vtilitatem. At
postquam est Hereticus publicatus, multo plures edidit haeresi succurrentes,
et ex diametro cum vera pietate pugnantes, vnde erat a suis Britannis in
exilium pulsus, vt in Epistola ad Martinum 5. Valdenus habet. Claruit anno
post Christum incarnatum, 390. sub Maximo Britannorum Rege.

The same in English.