"Encore ont une autre manière de filsoufes, et dient-il: 'Il n'est mie
ne Diex ne _Kerma_ ne courance vers le bien, ne Providence, ne Créerres,
ne Sauvours, ne sainteté ne pechiés ne conscience de pechié, ne proyère
ne response à proyère, il n'est nulle riens fors que trop minime grain
ou paillettes qui ont à nom _atosmes_, et de tiex grains devient chose
qui vive, et chose qui vive devient une certeinne creature qui demoure
au rivaige de la Mer: et ceste creature devient poissons, et poissons
devient lezars, et lezars devient blayriaus, et blayriaus devient
gat-maimons, et gat-maimons devient hons sauvaiges qui menjue char
d'homes, et hons sauvaiges devient hons crestien.'

"Et dist _Messires Marc_: 'Encore une foiz, biaus sires, li _Bacsi_ de
_Tebet_ et de _Kescemir_ et li prestre de _Seilan_, qui si dient que
l'arme vivant doie trespasser par tous cez changes de vestemens; si com
se treuve escript ou livre _Maistre Rusticien_ que _Sagamoni Borcan_
mourut iiij vint et iiij foiz et tousjourz resuscita, et à chascune foiz
d'une diverse manière de beste, et à la derreniere foyz mourut hons et
devint diex, selonc ce qu'il dient.'[17] Et fist encore _Messires Marc_:
'A moy pert-il trop estrange chose se juesques à toutes les créances des
ydolastres deust dechéoir ceste grantz et saige nation. Ainsi peuent
jouer Misire li filsoufe atout lour propre perte, mes à l'ore quand tiex
fantaisies se respanderont es joenes bacheliers et parmy la menue gent,
celz averont pour toute Loy _manducemus et bibamus, cras enim moriemur_;
et trop isnellement l'en raccomencera la descente de l'eschiele, et
d'home crestien deviendra hons sauvaiges, et d'home sauvaige gat-
maimons, et de gat-maimon blayriaus.' Et fist encores _Messires Marc_:
'Maintes contrées et provinces et ysles et citéz je _Marc Pol_ ay veues
et de maintes genz de maintes manières ay les condicionz congneues, et
je croy bien que il est plus assez dedens l'univers que ce que li nostre