borginni. Konungr bað hirðmenn vera hrausta ok duga nú hvern eptir
því, sem hann hefði hug til, ok ráða af óvætt þenna; ok svá var gert,
sem konungr bauð, at þeir bjuggu sik til þess. Konungr horfði á dýrit
ok mælti síðan: 'enga sé ek fọr á dýrinu, en hverr vill nú taka kaup
einn ok ganga í móti því?' Bọðvarr mælti: 'þat væri næsta hrausts
manns forvitnisbót. Họttr félagi, rektu nú af þer illmælit þat, at
menn láta, sem engi krellr né dugr muni í þér vera; far nú ok drep þú
dýrit; máttu sjá, at engi er allfúss til annarra.' 'Já, sagði Họttr,
ek mun til þessa ráðaz.' Konungr mælti: 'ekki veit ek, hvaðan þessi
hreysti er at þér komin, Họttr, ok mikit hefir um þik skipaz á,
skammri stundu.' Họttr mælti: 'gef mér til sverðit Gullinhjalta, er þú
heldr á, ok skal ek þá fella dýrit eða fá bana.' Hrólfr konungr mælti:
'þetta sverð er ekki beranda nema þeim manni, sem bæði er góðr drengr
og hraustr.' Họttr sagði: 'svá skaltu til ætla, at mér sé svá háttat.'
Konungr mælti: 'hvat má vita, nema fleira hafi skipz um hagi þína, en
sjá þykkir, en fæstir menn þykkjaz þik kenna, at, þú sér enn sami
maðr; nú tak við sverðinu ok njót manna bezt, ef þetta er til unnit.'
Síðan gengr Họttr at dýrinu alldjarfliga ok høggr til þess, þá, _er_
hann kemr í họggfæri, ok dýrit fellr niðr dautt. Bọðvarr mælti: 'sjáið
nú, herra, hvat hann hefir til unnit.' Konungr segir: 'víst hefir hann
mikit skipaz, en ekki hefir Họttr einn dýrit drepit, heldr hefir þú
þat gert.' Bọðvarr segir: 'vera má, at svá sé.' Konungr segir: 'vissa
ek, þá _er_ þú komt hér, at fáir mundu þínir jafningjar vera, en þat
þykki mér þó þitt verk frægiligast, at þú hefir gert hér annan kappa,
þar _er_ Họttr er, ok óvænligr þótti til mikillar giptu; ok nú vil ek
_at_ hann heiti eigi Họttr lengr ok skal hann heita Hjalti upp frá
þessu; skaltu heita eptir sverðinu Gullinhjalta'".[51]

The consistency observed in displacing the bear, as the animal killed
by Bjarki has been noted, as has also the reason why the dragon was