Book-bot.com - read famous books online for free

Witchcraft and Devil Lore in the Channel Islands by John Linwood Pitts
page 35 of 87 (40%)
_Isebelle_, femme de _Jean de Moygne_, ayant esté mise a la question,
a tout aussytost confessé qu'elle est Sorciere: et que sur ce qu'elle
tomba en querelle avec la _Girarde_, sa belle-soeur: le Diable en
forme de lievre print occasion de la seduire: se representant à elle
en plain jour dans une ruë pres de sa maison: et la persuadant et
incitant de se donner à luy: et que l'aideroit à se venger de la dite
_Girarde_ et de tous aultres: à laquelle persuation n'ayant icelle à
l'instant voulu condescendre: aussy tout disparut: mais incontinent
luy vint derechef au devant en la mesme ruë, et poursuyvant sa
premiere pointe: l'exhortoit aux mesmes fins que dessus: cela fait,
ill la laissa et se retira, apres luy avoir, au prealable, mis une
pochée de pasnés; qu'elle portoit pour lors, une certaine pouldre
noire envelopée dans ung linge qu'il mist: laquelle pouldre elle
retint par devers soy. S'aparut à elle une autre fois en mesme forme
au territoire de la ville, l'incitant dereschef à se donner à luy, à
quoy ne voulant icelle condescendre luy fist adonc requeste de luy
donner une beste vive: lors de ce pas revint ches elle querir ung
poullet, qu'elle luy apporta au mesme lieu où l'avoit laissé, lequell
ill print: et appres l'avoir remerecie luy donna assignation de se
trouver le lendemain avant jour au Sabath, avec promesse qu'il
l'enverroit querir: suivant laquelle promesse, estant la nuittée
ensuivant, la vielle _Collette du Mont_ venant la querir, lui bailla
de l'onguent noir qu'elle avoit eu du Diable; duquell (apprès s'estre
despouillée) s'oignit le dos, et le ventre, puis s'estant revestuë,
sortit l'huis de sa maison: lors fut à l'instant enlevée: et
transportée au travers hayes et buissons, pres la banque sur le bord
de la mer, aux environs du Chasteau de Rocquaine, lieu ordinaire où le
Diable gardoit son Sabath; là où ne fut sytost arivée, que le Diable
ne vint la trouver en forme de chien avec deux grandes cornes dressées
en hault: et de l'une de ses pattes (qui lui sembloyent comme mains),
DigitalOcean Referral Badge