dansoyent les autres avoyent copulation avec les Diables en forme de
chien: et estoyent au Sabath viron trois ou quatre heures, non plus.

Qu'estant au Sabath le Diable la mercha en haut de la cuisse: laquelle
merche ayant esté reuisitée par les sage femmes, ont raporté avoir mis
dedans une petite espingue bien avant, qu'elle n'a point senty, et
n'en est sorty aulcuns sang; ne scait par ou le Diable a merche les
autres: que les premiers venues au lieu du Sabath attendoyent les
autres; et apparoissoyent tous les Sorciers et Sorcieres en leur
propre formes: toutesfois noircis et defficgurés, et ne les pouvoit en
cognoistre.

Que le Diable apparoissoit quelque fois en forme de boucq au Sabath;
ne la veu en autres formes; qu'au departir, ill se faisoit baiser la
derriere, leur demandant quant reviendroyent: les exhortoit qu'eussent
à adherer tousiours a luy: et faire des maux, et pour cest effet leur
bailloit certaines pouldres noires envelopées dans ung drapeau, pour
en ietter sur ceux qu'ils vouloyent ensorcerer: qu'au departir du
Sabath le Diable s'en alloit d'un coste et eux de l'autre: appres les
avoir toutes prinses par la main: Qu'à l'instigation du Diable elle en
a jetté sur plusieurs personnes et bestes: notament sur _Jean Jehan_,
lors qu'il vint chez elle querir ung pourceau. Item, sur l'enfant
_James Gallienne_, et sur aultres: Item, sur les bestes de _Brouart_
et aultres.

Que c'estoit le Diable qui fut veu ches le susdit _Gallienne_, en
forme de rat et bellette, ycelle estant pour lors aux environs de la
maison du dit _Gallienne_, et s'estant venu rendre à elle en
resemblance d'homme, la frapa de plusieurs coups par le visage et
teste: dont estoit ainsy meurdie et deschirée lors que fut veüe le