kie = where (118). silent-a = still, silent.
okaz-i = to happen, to occur. subit-a = sudden.
okul-o = eye. tegment-o = roof.
pec-o = piece. tondr-o = thunder.


LA PLUVEGO.

Nu, kia pluvego okazis hieraux vespere! Post kvieta varmega mateno,
subite multaj nuboj kovris la cxielon. La aero sxajnis peza, kaj estis
tute silenta kelkan tempon. Tiam forte blovanta vento frapegis la
arbojn, kaj komencis fortege skui la brancxojn. Multege da polvo kaj
malgrandaj pecoj da papero dancis kaj flugis cxirkauxen en la aero, kaj
ankaux cxielen. Falis tiam kelkaj grandaj gutoj da pluvo, kaj ni sciis
ke la pluvego estas venanta. Ni malfermis niajn ombrelojn, kaj kuris
antauxen, por iri hejmen antaux ol falos multe da pluvo. La fulmo tiel
ofte brilis ke ni fermis la okulojn pro gxi, kaj treege gxin timis.
Preskaux tuj la tondro sekvis gxin. Tondris tiom kaj tiel lauxtege ke la
bruo sxajnis frapi kontraux niajn kapojn. Tiam komencis subite pluvegi,
sed je tiu tempo ni estis preskaux sub la tegmento de nia domo. Dume la
vento pli kaj pli blovegis, kaj ju pli forte gxi blovis, des pli peze
la gutoj da pluvo falis teren, kun multege da bruo. Mi opinias ke mi
malofte antauxe vidis tian pluvegon. La sekvintan tagon mi promenis tre
frue, kaj vidis ke la pordego al la gxardeno de mia avo estas kusxanta
sur la tero. Apude mi vidis ventoflagon falintan de la tegmento de tiu
granda cxevalejo. Velkintaj floroj kusxis sur la tero cxirkaux mi, kaj
inter ili estis brancxoj falintaj de la arboj, cxar la grandega forto
de la vento forrompis ecx cxi tiujn. Sur malgranda brancxo restis
nesto, sed kie estis la birdoj! Mi sercxis la junajn birdojn sed tute
ne povis trovi ilin, tial mi opinias ke ili forflugis antaux ol la