VOCABULARY

aritmetik-o = arithmetic. memor-i = to remember.
cent = hundred (142). mil = thousand (142).
erar-o = error, mistake. minut-o = minute.
grad-o = grade, degree. ricev-i = to receive.
kalkul-i = to calculate, to reckon. sekund-o = second.
kiom = how much (140). superjar-o = leap-year.


LECIONO PRI ARITMETIKO.

Estas malvarme hodiaux, kaj tute ne agrable ekster la domo. La urbanoj
ne estas promenantaj en la parko, cxar ili preferas resti en la domoj.
Mi ankaux restis en la domo, kaj parolis al mia juna frato. Mi helpis
lin pri la leciono en aritmetiko, tial ke li baldaux havos ekzamenojn,
kaj li volas esti preta por skribi tre bonajn respondojn. Mi demandis
al li "Kiom faras dek tri kaj dek kvar?" Li respondis ke tiuj faras
dudek sep. Tiam mi demandis kiom faras dudek unu kaj tridek kvar. Li
kalkulis kvin aux ses sekundojn, per mallauxta vocxo, kaj diris "Ili
faras kvindek kvin." Mi demandis kiom faras ducent tri kaj sepcent
ok, kaj li respondis ke ili faras nauxcent dek unu. Li tute ne faris
erarojn al mi, kaj fine mi diris al li ke li povas bonege kalkuli. Mi
opinias ke li ricevos bonan gradon en la ekzamenoj. Post kelkaj minutoj
ni komencis paroli pri aliaj aferoj. Mi demandis "Kiom da tagoj en la
monato septembro?" La frato respondis "Septembro, novembro, aprilo kaj
junio havas tridek tagojn. Kvankam tiuj monatoj havas tiom da tagoj, la
aliaj monatoj havas tridek unu tagojn. Sed la monato februaro havas nur
dudek ok tagojn." Estas interese lerni pri cxi tiu monato februaro. Dum