Take blanched Almandes grynde hem and temper hem up with gode broth
take Oynouns a grete quantite parboyle hem and frye hem and do þerto.
take smale bryddes [2] parboyle hem and do þerto Pellydore [3] and
salt. and a lytel grece.

[1] Drepee. Qu.
[2] bryddes. Birds. _Per metathesin; v. R. in Indice_.
[3] Pellydore. Perhaps _pellitory_. _Peletour_, 104.


Mawmenee [1]. XX.

Take a pottel of wyne greke. and ii. pounde of sugur take and
clarifye the sugur with a qantite of wyne an drawe it thurgh a
straynour in to a pot of erthe take flour of Canell [2]. and medle [3]
with sum of the wyne an cast to gydre. take pynes [4] with Dates and
frye hem a litell in grece oþer in oyle and cast hem to gydre. take
clowes [5] an flour of canel hool [6] and cast þerto. take powdour
gyngur. canel. clower, colour it with saundres a lytel yf hit be nede
cast salt þerto. and lat it seeþ; warly [7] with a slowe fyre and not
to thyk [8], take brawn [9] of Capouns yteysed [10]. oþer of
Fesauntes teysed small and cast þerto.

[1] Vide No. 194, where it is called _Mawmenny_.
[2] Flour of Canell. Powder of Cinamon.
[3] medle. Mix.
[4] pynes. A nut, or fruit. Vide Gloss.
[5] clowes. Cloves.
[6] hool. Whole. How can it be the flour, or powder, if whole? Quare,
_flower_ of cand for _mace_.